ARSENAL YAMFUNGULIA MILANGO YAKUTOKEA KIUNGO WAKE FROMPONG

KIUNGO wa kimataifa wa Ghana, Emmanuel Frimpong, ambaye anaichezea Arsenal, soka lake la klabu limeingia walakini baada ya timu hiyo vinara wa Ligi Kuu England, kusema inatafuta timu ya kumnunua ili imwondoe klabuni hapo.

Kiungo huyo mtata ameshindwa kuchomoza kwenye kikosi hicho cha Arsene Wenger tangu msimu huu ulipoanza, sasa mabosi wake wanafikiria namna ya kumfungashia virago vyake.

Kutokana na kuwapo kwa mpango huo, huenda Frimpong akafunguliwa mipango ya kuondoka Emirates katika kipindi cha usajili wa dirisha dogo kitakachofanyika Januari mwakani.

Hata hivyo, kama Frimpong ataondolewa Januari atakuwa ameshindwa kutimiza ahadi yake ya kutaka kuwaumiza nyota wa Kijerumani waliopo kwenye kikosi cha Arsenal, Mesut Ozil, Per Mertesacker na Lukas Podolski ili kuipunguzia kazi Ghana kwenye fainali za Kombe la Dunia litakalofanyika mwakani Brazil kwa kuwa wamepangwa kwenye kundi moja.

Arsenal inataka kumpeleka Frimpong kwenye klabu za Championship baada ya pia kumweleza mwenyewe kwamba anaruhusiwa kuondoka.

TOA MAONI YAKO HAPA CHINI