CHAMPIONS LEAGUE: VIWANJA NANE KUWAKA MOTO LEO.

LIGI ya Mabingwa barani Ulaya inaanza kutimua vumbi rasmi leo kwa timu mbalimbali barani humo kuonyeshana kazi katika mechi za hatua ya makundi. Kwa upande wa kundi A tutashuhudia Manchester United wakifungua dimba kwa kuikaribisha Bayer Liverkusen ya Ujerumani katika uwanja wa Old Traford huku Real Sociedad ya Hispania wakipepetana na Shaktar Donetski ya Ukraine. Mabingwa mara tisa wa michuano hiyo Real Madrid watakuwa wageni wa Galatasaray ya Uturuki huku FC Copenhagen wakiwakaribisha mabingwa wa soka wa Italia Juventus kwa mechi za kundi B. Mechi za kundi C itazikutanisha matajiri wa Ufaransa klabu ya Paris Saint-Germain ambao watakuwa wageni wa Olympiacos ya Ugiriki huku Benfica ya Ureno ikiwakaribisha Anderlecht ya Ubelgiji. Michezo mingine ya siku ya leo itakuwa ni pamoja na mabingwa watetezi wa michuano hiyo Bayern Munich ya Ujerumani watakaikaribisha CSKA Moscow ya Urusi huku Viktoria Plzen ya Jamhuri ya Czech wakiwakaribisha matajiri wa Uingereza Manchester City katika mechi za kundi D. Mechi zote zitachezwa katika muda mmoja wa saa nne kasorobo usiku za Afrika Mashariki.

TOA MAONI YAKO HAPA CHINI