BAADA YA UTATA MKUBWA KUZUKA JU YA PENALTI YA RAMIRES MWENYEWE SASA AJITETEA

KIUNGO Mbrazili, Ramires, ametetea penalti yake yenye utata baada ya kushutumiwa kujiangusha na kuisaidia timu yake ya Chelsea kupata sare ya mabao 2-2 dhidi ya West Brom kwenye mechi ya Ligi Kuu England juzi Jumamosi.

Kwenye mchezo huo, straika Samuel Eto’o, alifunga bao la kuongoza kwa upande wa Chelsea kabla ya Shane Long kusawazisha na Stephane Sessegnon kuifungia West Brom bao la pili.

Lakini, katika dakika za majeruhi, Mbrazili huyo alipata penalti iliyofungwa na Eden Hazard baada ya kiungo huyo kujigongesha kwa Steven Reid na kisha kujiangusha ndani ya boksi.

“Sijawahi kujirusha ili nipewe faulo au penalti. Sina tabia hizo na wale wanaonifahamu wanalijua vizuri hilo,” alisema Ramires.

TOA MAONI YAKO HAPA CHINI