HII NI LIST YA WASANII WA HIP HOP WA TANZANIA WENYE MAENDELEO KIMAISHA NA KUONESHA KUWA HIP HOP SIO UHUNI..!! TAZAMA HAPA

Pamoja na kwamba imepungua kidogo, bado kasumba ya kwamba hip hop ni uhuni imeendelea kuwa na makazi kwenye akili za Watanzania wengi. Hata kwa wazazi wengi, vijana wanaofanya hip hop wameendelea kuonekana kama wahuni na wavuta bangi.
 

Japokuwa ni kweli kwamba maisha ya baadhi ya wana hip hop,yamekuwa yakiipa nguvu zaidi kasumba hii, wapo rappers smart ambao kwa matendo yao, maisha yao, elimu zao na mafanikio yao, akili walizonazo na namna wanavyojua kujenga hoja, wameishinda nguvu kasumba hii.

Hawa ni miongoni mwa rappers hao.

Joseph Mbilinyi aka Sugu

Kutoka kwenye hip hop hadi bungeni. Sugu aliwaacha midomo wazi watu wengi baada ya mwaka 2010 kushinda kiti cha ubunge wa Mbeya Mjini kwa tiketi ya CHADEMA. Wakati wa kampeni, hata wapinzani wake walikuwa wakitumia propaganda ya kumwelezea mbunge huyo kama muhuni, japo wananchi wa Mbeya hilo hawakulijali. Tangu aingie bungeni, Sugu amekuwa mmoja wa watetezi wazuri wa wananchi wa Tanzania na ni mtu mwenye hoja, na mwanasiasa mzuri.
Profesa Jay

Unaweza kuwa umeshasahau, lakini nyimbo za Profesa Jay, hususan, nyimbo tatu zilizofuatana kimaudhui (trilogy) Ndio Mzee, Kikao cha Dharura na Nang’atuka zilikuwa na ‘impact’ kubwa kisiasa nchini Tanzania. Zilieleza hali halisi ya jinsi wanasiasa walivyo na ahadi tamu wakati wa kampeni ambazo hushindwa kuzitekeleza waingiapo madarakani. Unaanza vipi kuziita nyimbo hizi ni za uhuni?

AY

Kutoka kuwa rapper hadi kuwa ‘business mogul’. Mwaka jana AY aliishawishi kampuni ya Airtel Afrika kumteua kuwa balozi wake, akiungana na wasanii wengine akiwemo Papa Wemba. Kama rap ingekuwa ni uhuni siamini kama, kampuni kubwa kama hiyo ingempa heshima hiyo kubwa.

Leo hii AY, akiwa CEO wa Unity Entertainment, amekuwa akifanya biashara na makampuni makubwa nchini mwao na kukaa mezani na watu wenye maamuzi katika makampuni hayo. “Tulianza tukiwa hatuna deal kabisa ingawa tumefungua ofisi, leo hii tunahandle accounts za makampuni,” AY alisema hivi karibuni kuhusiana na mafanikio ya kampuni yake.

Fid

Niliwahi kumuelezea Fareed kwenye makala yake mwenyewe (Makala: ‘Siri ya Mchezo’ ya kwanini Fid Q ni ‘Hip Hop Genius’) ambapo sehemu ya yale niliyoandika yalisema: Wakati mwingine mawazo na kile anachokiandika Fid Q, kinaweza kumfanya mtu anayechukua Phd ajihisi mwanafunzi tu mbele yake. Pengine ni kwasababu, rapper huyu wa Mwanza anapenda sana kusoma vitabu. Kutokana na ukweli kuwa, Watanzania wengi hawana utamaduni wa usomaji vitabu kujiongezea maarifa, ni ngumu kuyafananisha mawazo yake na ya rapper mwingine yeyote Tanzania, hata aliyesoma kiasi gani.”

Nick wa Pili

Hakupata nafasi ya kuwa mmoja wa wasemaji kwenye semina za fursa za Radio Clouds FM bure. Elimu yake na uwezo wa kupambanua mambo kisomi ndio uliwavutia waratibu wa semina hizo na kumpa nafasi. Kwa wale waliohudhuria semina hizo, wanajua upeo mkubwa wa rapper huyu wa Weusi. Akiwa na shahada yake ya pili kibindoni, Nick wa Pili amedhamiria kufanya makubwa.

“Nafikiria kufanya projects, nafikiria kuwa na media house ya kwangu, nafikiria kuwa na NGO, na nafikiria kujiajiri kupitia muziki pia,” Nick alisema hivi karibuni.

Mwana FA

Kutoka kuwa rapper hadi kuwa mwajiriwa benki, kuacha na kuwa mjasiriahiphop. Hamis Mwinjuma ana shahada zake mbili kibindoni za masuala ya biashara na amekuwa akionesha nia ya kutaka kuendelea na kitabu zaidi. Akiwa na Vodacom na CCBRT, mwaka huu pia alizunguka kwenye mikoa kadhaa nchini mwao kwenye kampeni ya Fistula na alikuwa msemaji. Kama hip hop ingekuwa uhuni, sidhani kama Vodacom wangempa heshima hiyo.

Roma Mkatoliki

Mashairi ya Roma hayapishani sana na makala za mwandishi kama Said Kubeneya wa gazeti la Mwana Halisi. Tofauti ni moja tu kuwa ujumbe wa Roma huwasilishwa kwa njia ya muziki. Tangu ameanza, nyimbo zake nyingi zimekuwa zikigusa maisha na matatizo ya wananchi wa Tanzania na pia kukemea maovu ya mafisadi na viongozi wabovu. Sidhani kama mtetezi kama huyu anaweza kuitwa mhuni…

Kala Jeremiah

Kutoka Mwanza kwenye mitumba, hadi kuwa balozi wa Pepsi. Nyimbo nyingi za Kala zimekuwa zikigusa maisha halisi ya Watanzania na ndio maana alifanikiwa kuwashawishi watu wa Pepsi. Kuanzia Wimbo wa Taifa, Ningekuwa Rais, Dear God, Jaribu Kujiuliza na zingine.

“Ni hatua kubwa na jinsi gani sasa muziki wetu wa Hiphop unaeleweka vizuri. Kama hip hop inaweza kushawishi makampuni kama hayo kuwekeza nadhani inaeleweka,” Kala alisema baada ya kupewa ubalozi wa Pepsi.

TOA MAONI YAKO HAPA CHINI