PINDI NIPO EVERTON NILIWAHI KUWA NA FIKRA ZA KUMSAJILI AARON RAMSEY

Meneja wa Manchester United,David Moyes amekiri kuwa alikaribia kumsajili Aaron Ramsey miaka mitano iliyopita wakati anainoa klabu ya Everton.

Moyes alipeleka ofa kwa klabu ya Cardiff ambayo ilikubaliwa kabla ya kunyang’anywa tonge mdomoni na Arsene Wenger aliyefanikiwa kumnasa kiungo huyo.

Ramsey akiwa katika kiwango bora kwa sasa atakuwa akikiongoza kikosi cha washika bunduki dhidi ya timu mpya ya Moyes katika uwanja wa Old Trafford kwenye mchezo wa Ligi Kuu ya Uingereza Jumapili.

Mscotland huyo amekiri kuwa kiungo huyo anacheza vizuri sana kwasasa na anamkubali vilivyo na amekuwa nguzo muhimu kwa Arsenal kwani hajawaangusha msimu huu na anafunga magoli muhimu sana.

Pia akaendelea kukiri kuwa klabu hiyo ya London ilimshinda katika vita ya kumnasa nyota huyo kwani alishawahi hadi kumualika nyumbani kwake akiwa pamoja na familia yake.

TOA MAONI YAKO HAPA CHINI