BECKHAM ANATARAJIWA KURUDI UWANJANI AKIRUDISHWA NA BILIONEA WA BOLIVIA

MABINGWA wa soka wa Bolivia, Bolivar, wamethibitisha kwamba wapo kwenye mchakato wa kumshawishi, David Beckham, kurudi uwanjani na kuichezea timu yao.

Beckham akiwa na jezi ya Bolivar

Bilionea mmiliki wa klabu hiyo, Marcelo Claure, ni rafiki wa kiungo huyo wa zamani wa England na wawili hao wamekuwa na mipango ya pamoja ikiwamo kujenga uwanja jijini Miami kwa ajili ya Ligi Kuu Marekani.

Marcelo Claure na Beckham

Katika mahojiano maalumu na MirrorSport wiki iliyopita, Claure alisema anamshawishi Beckham kuichezea klabu hiyo kwenye Copa Libertadores.Bolivar imepangwa kwenye kundi la saba kwenye mikikimikiki hiyo ya Ligi ya Mabingwa Amerika Kusini na watacheza dhidi ya Flamengo ya Brazil, Leon ya Mexico na miamba ya Ecuador, Emelec.

Kikosi cha Bolivar mabingwa wa nchini humo

Beckham alistaafu soka mwishoni mwa msimu uliopita baada ya kucheza kwa miezi mitano Paris Saint-Germain.

TOA MAONI YAKO HAPA CHINI