COACH WA CARDIFF AOMBWA KUJIUZULU HARAKA IWEZEKANAVYO NA BOSI WA TIMU HIYO

Uongozi wa klabu ya Cardif City inayoshiriki ligi kuu ya nchini Uingereza umeelezwa kumuandikia barua kocha mkuu wa timu hiyo, Malky Mackey ikimtaka ajiuzulu nafasi yake ama afutwe kazi na bosi wa timu hiyo, Vincent Tan.Kwenye barua yake iliyonaswa na vyombo vya habari nchini Uingereza, imemnukuu Tan akieleza kutoridhishwa kwake na mambo mengi ambayo yamekuwa yakifanywa na kocha huyo ikiwemo masuala ya fedha na mfumo wa uchezaji.

tajiri huyo raia wa Malaysia ameingia kwenye mzozo na kocha wake baada ya kocha huyo juma moja lililopita kunukuliwa akisema kuwa anatumaini kuwa uongozi wa klabu hiyo utatoa fedha za kumuwezesha kusajili baadhi ya wachezaji.
kauli hiyo ilionekana kumkwaza tajiri huyo ambaye toka awali alishamweleza Mackay kuwa asitegemee kupata fedha zaidi kwaajili ya kufanya usajili wa wachezaji watakaoongeza nguvu kwenye timu yake wakati wa msimu wa dirisha dogo la usajili.
Akihojiwa kwenye chombo kimoja cha habari nchini humo, Mackay mwenyewe amesisitiza kutong'atuka kwenye nafasi yake licha ya kutofautiana na uongozi wa klabu yake.
Tan alionesha kuchukizwa na kauli ya Macky kutaka kufanya usajili mpya wakati wa dirisha dogo la usajili la mwezi January mwakani.

TOA MAONI YAKO HAPA CHINI