MANCHESTER CITY NDIYO TIMU PEKE YENYE PRESHA ZAIDI YA KUTWAA UBINGWA WA BPL:Mourinho

KOCHA Mkuu wa Chelsea, Jose Mourinho, amesema Manchester City ndiyo timu yenye presha zaidi ya kutwaa ubingwa Ligi Kuu England kutokana na kikosi ilichokisajili msimu huu.

Mreno huyo anaamini msimu huu kuna timu sita zinashindania ubingwa, lakini amekiri Manchester United na Tottenham Hotspurs hazitataka kuendelea kukumbana na matokeo mabaya baada ya kufanya vibaya mechi zilizopita.

Manchester United na Tottenham kabla ya mechi za jana Jumatano usiku zilikuwa nyuma kwa pointi tisa na 10 kuifikia Arsenal kileleni mwa msimamo wa ligi hiyo wakati Manchester City ilikuwa nyuma kwa pointi sita. Jambo hilo linampa presha kocha, Manuel Pellegrini, kwa sababu ya kikosi alichonacho.

“Sizungumzii ni timu gani inapewa nafasi kubwa, lakini tunaweza kusema kuna timu moja inasaka ubingwa kuliko nyingine zote, iko hivyo japo mchakato unahusisha timu sita,” alisema.

“Ninachosema, timu ambayo itatambua wajibu wake itashinda ubingwa. Hawa Manchester City wana kila sababu ya kuwa mabingwa kutokana na kuwa na kikosi kizuri.”

TOA MAONI YAKO HAPA CHINI