HIYI NDO SABABU YA MCHEZAJI BALLOTELI KUFUNGA BAO KISHA KULIMPA COACH WAKE MPYA SEDORF KAMA ZAWADI

MSHAMBULIAJI mkorofi wa AC Milan, Super Mario Balotelli amesema bao la ushindi alilofunga katika pambano dhidi ya Verona juzi Jumapili ni zawadi kwa kocha wake mpya, Clarence Seedorf.

Milan walilazimika kusubiri mpaka dakika za majeruhi kufunga bao la penalti kupitia kwa staa huyo wa zamani wa Manchester City, wakati huu hali yao ikiwa mbaya kwao katika msimamo wa ligi.

“Nampongeza kocha? Ndiyo, ushindi huu ni kwa ajili yake. Ilikuwa ni mechi yake ya kwanza na ni wazi kwamba hali ilikuwa ngumu. Tulijipanga vizuri na tulicheza vyema,” alisema Balotelli. Mechi ya pili ya Seedorf kwa Milan itakuwa dhidi ya Udinese kesho Jumatano katika pambano linalotarajiwa kuwa kali na la kusisimua ambalo litakuwa kipimo kwa kocha huyo Mdachi.

TOA MAONI YAKO HAPA CHINI