KAMA ULIKUWA HAUTAMBUWI BASI HII NDO HISTORIA YA SIKU KAMA YA LEO MYAKA KADHAA ILIYOPITA

Siku kama ya leo miaka 1434 iliyopita, ilianza kazi ya ujenzi wa msikiti wa Mtume mjini Madina ambao ni msikiti wa pili kwa utukufu duniani baada ya Masjidul Haram. Mtume (SAW) alitoa amri ya kujengwa msikiti wa Madina baada tu ya kuhamia mjini humo na yeye mwenyewe alishiriki katika ujenzi wake.Kuta za msikiti huo zilijengwa kwa kutumia mawe na matofali na paa lake liliezekwa kwa kutumia makuti ya mitende. Kandokando ya msikiti huo kulijengwa vyumba vya Mtume na baadhi ya maswahaba zake.
Mtume alitumia msikiti kwa ajili ya masuala mbalimbali ya kiibada, kutoa hukumu baina ya watu, vikao vya mashauriano, mafunzo ya kivita na utatuzi wa masuala mbalimbali ya Waislamu.

Mmiaka 114 iliyopita muwafaka na leo alifariki dunia mwandishi na mshairi maarufu wa Kiingereza John Ruskin. Mshairi huyo alizaliwa Mwaka 1819 katika familia tajiri na inayoheshimu mafundisho ya dini.  Ruskin alianza kusoma mashairi wakati akiwa bado anasoma. Pia alikuwa mtaalamu wa masuala ya sanaa na alieleza mitazamo na maoni yake kuhusu sanaa katika kitabu chake kinachoitwa Modern Painters. Mwandishi huyu Muingereza alikuwa akiamini kuwa thamani ya sanaa imo katika kuwasilisha fikra aali kwa walengwa na kwamba sanaa inapaswa kuwa daraja baina ya dunia hii na ulimwengu wa akhera. John Ruskin anasema katika kitabu cha The Seven Lamps of Architecture kuwa sanaa ya usanifu majengo huakisi itikadi za kidini na kimaadili na matakwa ya kitaifa ya watu husika. Alikuwa na maoni ya kimaadili pia kuhusu masuala ya kiuchumi na alikuwa na wasiwasi kuhusu mustakbali wa maendeleo na ustawi wa viwanda.
Vitabu vingine vya mwandishi huyo ni "The Stones of Venice", "Unto This Last" na "A Joy Forever".

Na siku kama ya leo miaka 35 iliyopita ilienea habari ya kukaribia safari ya Imam Khomeini M.A ya kurejea nchini Iran akitokea uhamishoni Ufaransa. Habari hiyo ilipokewa kwa shangwe na furaha kati ya matabaka yote ya wananchi wa Iran. Kwa upande mwingine  habari hiyo ilisababisha wasiwasi na wahaka mkubwa kwa vibaraka wa utawala wa Shah.

TOA MAONI YAKO HAPA CHINI