SHIRIKA LA HRW LASEMA HAKI ZA BINADAM ZAKIUKWA NCHINI SUDAN KUSINI

Shirika la Kutetea Haki za Binadamu la Human Rights Watch limeutaka  Umoja wa Mataifa  kufanya uchunguzi  wa kina juu ya vitendo vya ukiukwaji wa haki za binadamu uliofanywa na serikali ya Sudan ya Kusini na waasi nchini humo. Taarifa iliyotolewa jana na shirika hilo la kutetea haki za binadamu imeeleza kuwa, Umoja wa Mataifa unapasa kukabiliana kikamilifu na watu wote wanaotuhumiwa kutenda vitendo  vya ukiukaji wa haki za binadamu na haki za mashirika ya kimataifa ya kutoa misaada nchini humo.
Daniel Bekele Mkurugenzi wa Human Rights Watch katika masuala  ya Afrika amesema kuwa, baadhi ya wananchi wa nchi hiyo wamekumbwa na jinai hizo kutokana na masuala ya kikabila. Bekele ameongeza kuwa, shirika hilo lina nyaraka na ushahidi tosha unaoonyesha kwamba, jeshi la Sudan Kusini liliwauwa kwa makusudi  watu wa kabila na Nuer mjini Juba.
Inafaa kuashiria hapa kuwa, mapigano nchini Sudan Kusini yalianza tarehe 15 mwezi ulipita, kati ya vikosi  vitiifu kwa  serikali ya Rais Salva Kiir, dhidi ya wanamgambo waasi wanaoongozwa na Riek Machar makamu wa zamani wa rais nchini humo.

TOA MAONI YAKO HAPA CHINI