HABARI ZASEMA KUWA KABLA YA MATCH YA MAN-UTD NA B.MUNICH ROBBEN ALIFANYA MAZOEZI NA MGUU WAKE WA KULIA

Winga wa klabu ya Bayern Munich amebainisha kuwa alitumia siku ya mazoezi ya Jumatano kufanya kazi ya kupiga mipira ya krosi kwa mguu wake wa kulia ambao hautumiagi na juhudi hizo zimezaa matunda kwa kuivusha timu yake hatua ya nusu fainali ya michuano ya Ligi ya Mabingwa barani Ulaya. Mabingwa hao watetezi walifungwa bao la kuongoza na Manchester United katika Uwanja wa Allianz Arena kwa shuti kali la Patrice Evra lakini Mario Mandzkuic aliharibu sherehe hiyo kwa kusawazisha dakika chache baadae. Robben alimpigia krosi kwa mguu wake kulia Thomas Muller aliyefunga bao la pili kabla ya yeye kufunga la tatu na kuifanya Bayern kuibuka na ushindi wa mabao 3-1 katika mchezo huo ulikuwa na ushindani mkubwa. Akihojiwa mara baada ya mchezo huo Robben amesema mara baada ya kumaliza mazoezi ya asubuhi jana alikuwa akitaniana na wenzake na kujaribu kupiga krosi kwa kutumia mguu wake wa kulia jambo ambalo limemsaidia. Bayern wataingia katika upangaji wa ratiba ya nusu fainali Ijumaa sambamba na Atletico Madrid, Real Madrid na Chelsea ambazo naqzo zimevuka hatua hiyo.

TOA MAONI YAKO HAPA CHINI