SOMA KILE ALICHO KISEMA DANIEL STURRIDGE KUHUSIANA NA YEYE KURUDI UWANJANI WIKI HII MACHO KWA MACHO NA CHELSEA

Mshambuliaji wa Liverpool,Daniel Sturridge amethibitisha kuwa anamatumaini ya kucheza dhidi ya Chelsea wikiendi hii.

Sturridge alikosa ushindi dhidi ya Norwich wikiendi iliyopita kutokana na matatizo ya misuli lakini Liverpool wanamatumaini makubwa ya kumjumuisha kikosini Jumapili.

Raia huyo wa Uingereza anasisitiza kuwa atakuwa fiti lakini hafahamu kama Brendan Rodgers atamuanzisha katika mchezo huo.

Huku akisema,”Namatumaini wikiendi hii nitarudi.Ila sina uhakika sana kama meneja atanichezesha au la.Tusuburi tuone.”

Nyota huyo alikiri kuwa hana uhakika ni jinsi gani angeonyesha hisia zake kama angefunga dhidi ya Chelsea ambayo ni moja ya timu zake za zamani lakini anafikiri itakuwa vigumu sio kusheherekea goli kwa staili yake aliyozoea sasa.

“Nitapenda kuonyesha heshima zangu kwa klabu yangu ya zamani lakini kama nakuja na kufunga katika dakika ya mwisho basi nitaenda kuwa katika hali ya kuchanganyikiwa sana na ntajiuliza ni mimi kweli?

Na kudai kuwa,”Sitaki kufanya hivyo lakini sifahamu kama nitaweza kuhimili hali yangu kama kitu hicho kinatokea.”

Pia mchezaji mwenzake,kiungo Jordan Henderson anamatumaini kuwa Sturridge atacheza Jumapili na kusisitiza kuwa yeye ni mchezaji muhimu na hodari sana kwao.
Nahodha huyo wa timu ya vijana ya Uingereza aliongeza kuwa,”Mchezo uliopita dhidi ya Norwich nadhani tulikuwa wazuri lakini mara zote ni bahati kuwa na mchezaji kama Daniel hivyo matumaini kuwa yupo fiti na anaweza kufanya kazi wikiendi hii.”

Henderson ambaye anatumikia adhabu ya kukosa michezo mitatu anasisitiza kuwa kwasasa wapo katika nafasi nzuri zaidi lakini hakuna ambacho tayari wameshinda hivyo anafikiri kwamba wanapaswa kuendelea kufanya vizuri mpaka mwisho wakianzia na Chelsea kama ambavyo wamekuwa wakifanya msimu wote.”

TOA MAONI YAKO HAPA CHINI