OXFAM LATOWA TAHADHARI LA NJAA SUDAN KUSINI

Shirika la kimataifa la misaada ya kibinadamu la Oxfam limetahadharisha kuhusu uwezekano wa kuzuka baa la njaa nchini Sudan Kusini.
Mark Goldring Mkurugenzi  Mkuu wa shirika hilo amesema kwamba, katika hali ambayo hakuna dalili zozote za kumalizika mapigano ya umwagaji damu Sudan Kuisni, nchi hiyo iko katika hatari kubwa ya kukumbwa na matatizo makubwa ya ukosefu wa chakula.
Aidha ametaka jamii ya kimataifa ichukue hatua za haraka ili kuzuia kuzuka mgogoro mkubwa wa kibindamu katika nchi hiyo ya Kiafrika.
Ijapokuwa Rais Salva Kiir na kiongozi wa waasi Riek Machar walisaini makubaliano ya amani wiki iliyopita lakini masaa machache tu baadaye mapigano yalishuhudiwa tena nchini humo.
Kwa mujibu wa Umoja wa Mataifa zaidi ya thuluthi moja ya wananchi milioni 3.7 wa Sudan Kusini wanahitajia  misaada ya dharura ya chakula.

TOA MAONI YAKO HAPA CHINI