TAARIFA KUTOKA MISRI ZASEMA KUWA UCHAGUZI WA RAIS UMEREFUSHWA.

Uchaguzi wa rais wa Misri umerefushwa kwa siku moja zaidi katika jitihada za kuongeza idadi ya wapiga kura ambayo inahatarisha uhalali wa uchaguzi huo. Uamuzi huo ulichukuliwa jana usiku baada ya kuonekana kuwa watu waliojitokeza kwenye zoezi hilo lililokuwa limefanyika kwa siku mbili mfululizo ilikuwa ndogo sana. Mkuu wa kamisheni ya uchaguzi wa Misri Abdul Azizi Salman alitangaza kuwa, hadi jana usiku asilimia 37 ya wapiga kura ndio waliojitokeza kati ya Wamisri milioni 53 waliotimiza masharti ya kupiga kura.
Harakati ya Ikhanul Muslimin ambako anatoka rais aliyepinduliwa na jeshi Muhammad Mursi iliwataka wafuasi wake kususia uchaguzi huo. Pia uchaguzi wa rais wa Misri umesusiwa na vijana wanaounga mkono demokrasia ambao walishiriki katika harakati za mapinduzi za mwaka 2011 zilizoangusha utawala wa dikteta Hosni Mubarak.

TOA MAONI YAKO HAPA CHINI