UCHAGUZI WA MISRI WAGUBIKWA NA UDANGANYIFU MWINGI

Katibu Mkuu wa Umoja wa Kimataifa wa Maulamaa wa Kiislamu amesema kuwa, udanganyifu mkubwa umetokea katika historia ya uchaguzi duniani nchini Misri. Al Qarah Baghi ameeleza kuwa, kwa mujibu wa ripoti, idadi ya kura zilizoharibika kwenye uchaguzi huo zilikuwa nyingi zaidi ya kura alizopata mgombea Hamdin Swabahi na kwamba suala hilo linaonesha kubatilika uchaguzi huo wa Misri.

Wakati huo huo Harakati ya Ikhawanul Muslimin ya Misri imetangaza kuwa kushiriki kiwango kidogo cha wananchi kwenye zoezi hilo ni muhuri uliobatilisha siasa za wafanya mapinduzi ya kijeshi. Harakati hiyo pia imewasifu wananchi wa Misri kwa kususia uchaguzi huo.  Kamisheni ya uchaguzi ya Misri mara ya kwanza ilitangaza kuwa asilimia 37 ya wananchi wameshiriki kwenye uchaguzi huo. Lakini baada ya kuongezwa siku moja ya kupiga kura, ilitangazwa kuwa asilimia 44.4 ya Wamisri wameshiriki katika zoezi hilo.

TOA MAONI YAKO HAPA CHINI