KAMA HAUKUBAHATIKAA BASI HII NDO TAARIFA ILIYO TOLEWA NA SERIKALI YA RAIS KABILA KUHUSU WAFUNGWA WA KISIASA

Jamhuri ya Kidemokrasia ya Kongo imetangaza kuwapa msamaha wafungwa wa kisiasa kutoka makundi mbalimbali ya nchi hiyo. Lambert Mende Omalanga Waziri wa Habari na Msemaji wa Serikali ya Kongo amesema kuwa, wafungwa 109 wa kisiasa kutoka makundi na harakati mbalimbali za kisiasa wamepata msamaha huo tokea mwezi Februari mwaka huu. Waziri Omalanga amesema kuwa wafungwa 9 kutoka kundi la waasi wa zamani wa M23, 21 wanamgambo wa Batanga-Katanga na wengine 22 wanamgambo waliohusika na shambulio dhidi ya makazi ya rais tarehe 17 Februari mwaka 2011 ni miongoni mwa wafungwa waliopata msamaha wa serikali ya Kinshasa. Waziri wa Habari wa Kongo amesema kuwa, watu waliotenda jinai dhidi ya binadamu na vitendo vya ubakaji, hawakupata msamaha huo wa serikali ya Kinshasa. Inafaa kuashiria hapa kuwa, serikali ya Kongo ilitangaza kutoa msamaha baada ya kusambaratishwa kundi la M23, kwa lengo la kurejesha utulivu na umoja wa kitaifa nchini humo.

TOA MAONI YAKO HAPA CHINI