TAARIFA KUTOKA UINGEREZA ZASEMA KUWA RATIBA YA MICHEZO YA LIGI KUU YA SOKA YA B.P.L IMEVUJAA SIKU MOJA KABLA.

Baadhi ya vyombo vya habari nchini Uingereza vimetoa taarifa za kuvuja kwa ratiba ya ligi kuu ya soka nchini humo ambayo inatarajiwa kutolewa hapo kesho na chama cha soka FA.
Mitandao mbali mbali ya habari nchini Uingereza imeonyesha ratiba hiyo ambayo kwa sasa inaendelea kupangwa na FA lakini maswali kadha wa kadha yamekuwa yakiwaumuza vichwa mashabiki wa soka nchini humo kwa kujiuliza kama ratiba hiyo iliyovuja ina ukweli ama imetengenezwa na baadhi ya mashabiki.
Ratiba hiyo inaonyesha michezo ya ufunguzi wa ligi ya nchini Uingereza msimu wa mwaka 2014-15 itashuhudia mabingwa watetezi Man City wataanzia nyumbani Etihad Stadium kwa kucheza dhidi ya Southampton.
Aston Villa ambao wapo chini ya Meneja Paul Lambert watawakatibisha Man Utd huko Villa Park wakiwa na meneja wao mpya Louis van Gaal.

Ratiba hiyo iliyozua utata pia inaonyesha Chelsea wataanzia nyumbani Stamfod Bridge kwa kupambana na Everton mnamo August 15, huku mabingwa wa kombe la FA Arsenal wakipangiwa kuanza ugenini kwa kuwakabili Liverpool ambao watakuwa mbele ya mashabiki wao huko Anfield.
Tottenham Hotspurs watabaki nyumbani White Hart Lane kuwakabili Leicester city waliorejea katika ligi ya nchini Uingereza baada ya miaka kumi.
Hata hivyo mashabiki wa soka duniani kote hawana budi kusubiri ratiba ya ligi ya nchini Uingereza msimu wa mwaka 2014-15 ambayo imepangwa kuwekwa hadharani June 18.

TOA MAONI YAKO HAPA CHINI