Umoja wa nchi za Ulaya waahidi dola milioni 868 kwa ajili ya Somalia kwenye Mkutano wa Makubaliano Mapya

Umoja wa Ulaya uliahidi dola milioni 868 katika msaada wa kusaidia kusukuma mbele ufufuaji wa uchumi na siasa kwa Somalia wakati wa mkutano wa “Makubaliano Mapya” kwa ajili ya Somalia huko Brussels, AFP iliripoti.

Takribani wajumbe waandamizi 50 kutoka Afrika, Ulaya na Ghuba ya Uarabuni walihudhuria mkutano wa siku moja huko Brussels, pamoja na vikundi vya misaada na taasisi za fedha duniani.

Rais wa Tume ya Umoja wa Ulaya Jose Manuel Barosso (kulia) akimsalimia Rais wa Somalia Hassan Sheikh Mohamud kwenye makao makuu ya EU huko Brussels Jumatatu (tarehe 16 Septemba).

Rais wa Tume ya Ulaya Jose Manuel Barroso alisema EU tayari imeshatoa msaada wenye thamani ya dola bilioni 1.6 na uwajibikaji mpya iliuonyesha “ungebakia kama ilivyoahidiwa” kwa Somalia kadri inavyoweka misingi kwa siku zijazo.
Somalia ilipata tena “hadhi yake kama mwanachama mwenye uhuru kamili wa jumuiya ya kimataifa”, Barrosso alisema, akiongezea kwamba mengi yanahitajika kufanywa, akionyesha matatizo ya kiusalama na haki za binadamu.
Rais wa Somalia Hassan Sheikh Mohamud alisema alikuwa na “shukrani nyingi” kwa jitihada zote zinazofanywa kwa niaba ya nchi yake, akibainisha vipaumbele vinne miongoni mwa kazi nyingi zilizo mbele yao -- usalama, mageuzi ya kisheria, ugharimiaji wa umma na ufufuaji wa uchumi.
“Somalia imepewa fursa kubwa ili isonge mbele,’’ alisema.
Hata hivyo, wanamgambo wa al-Shabaab walipuuza mkutano huo kama wa kupoteza muda.
“Mikutano kamwe haijawahi kuwa na matokeo yenye maana kwa mazingira yaliyopo hapa Somalia na huu hautakuwa tofauti. Ni kupoteza nguvu,” al-Shabaab walisema kupitia Twitter. “Mabilioni yaliyoahidiwa yana uwezekano mkubwa yasitolewe ,  sehemu ya kiasi kitakachotolewa kwa waasi wa dini itapotea katika rushwa na tutarudi palepale tulipokuwa.”

TOA MAONI YAKO HAPA CHINI