NAPENDELEA NIZAE WATOTO WA TATU,ILA ATAKAE KUWA BABA YAO HIYO NI SIRI YANGU:Shaa

MIAKA tisa imepita tangu kipaji cha uimbaji cha mwanamuziki Sarah Kaisi ‘Shaa’ kilipoibuliwa katika mashindano ya Coca Cola Pop Star akiwa na Witness Mwaijaga na Langa Kileo (marehemu). Mwanamuziki huyo anasema alipoanza kuwika katika muziki,  alijiwekea malengo, moja kati ya hayo ilikuwa ni kuanzisha familia. Yafuatayo ni mahojiano yaliyofanyika hivi karibuni.

Ismailniyonkuru.info: ‘Ni mipango gani ulijiwekea mara baada ya jina lako kuanza kuwika katika Bongo flava?

Shaa: Mikakati yangu ilikuwa ni kufanya muziki kwa kipindi cha miaka saba ndipo nianzishe familia ambayo itakuwa na watoto wawili. Lakini sasa imefika miaka tisa ndoto haijatimia. Kuna sababu mbalimbali ambazo bado nazifanyia kazi.

Nilipanga nikishazaa niwaangalie kwa karibu watoto kwa malezi huku nikiendelea na kazi yangu ya muziki. Sikuhitaji kupata watoto mapema, mimi kama Shaa naamini kuwa mtoto anakuja kwa kupanga, siwezi kuzaa watoto mapema kisha nikawalaza njaa.

Ismailniyonkuru.info: Ni kitu gani kinakukwamisha katika kuanzisha familia, hujampata mtarajiwa?

Shaa: Kiukweli mtarajiwa wangu siwezi kumwanika kwani kwa sasa jina lake bado ni siri yangu, mtamjua tu mambo mazuri hayataki haraka.

Mwanaspoti lilitaka kujua mengi kutoka kwa mwanamuziki huyu anayetamba na wimbo wa ‘Lavalava’  hasa baada ya kuwapo tetesi kwamba amejiunga na sehemu ya Kundi la Wanaume Family yaani kituo cha Mkubwa na Wanawe kilicho chini ya Said Fella.

Ismailniyonkuru.info: Shaa, kuna tetesi kwamba sasa umejiunga katika moja ya matawi ya Wanaume Family, kuna ukweli wowote katika hili?

Shaa: Mimi ni msanii katika lebo ya MJ Records kwa kipindi cha miaka minne sasa. Lakini hivi karibuni nimekuwa nikisimamiwa na mameneja mbalimbali wakiwamo AY na baadaye nilianza kusimamiwa na Babu Tale.

Nimekuwa kwa Tale kwa kipindi kirefu sasa lakini yeye akaona si mbaya kama akimwingiza Fella naye ili kuukuza zaidi muziki wangu.

Ismailniyonkuru.info: Katika Kundi la TMK umesaini mkataba wa aina gani?

Shaa: Mkataba wangu ni wa miezi sita tu. Nikiwa TMK nitakuwa nikiwafundisha muziki vijana wa kituo cha Mkubwa na Wanawe na nitafanya nao kazi angalau mbili za muziki. Mfano sasa nimesharekodi kazi inayoitwa ‘Sugua Gaga’, kazi hii nimefanya na watoto wa kituo cha Mkubwa na Wanawe na inatarajiwa kuachiwa katika vituo mbalimbali vya redio wiki ijayo, huku video ya wimbo huo ikiwa inapikwa jikoni.

TOA MAONI YAKO HAPA CHINI