YANI MECHI YA JANA YA SIMBA NA YANGA ILIKUA NI PRESHA ISIO NA KIPIMO MASHABIKI 20 WAZIMIA

Mama Yanga

MECHI ya Simba na Yanga ilikuwa presha tupu kwani zaidi ya mashabiki 20 wa timu hizo mbili wengi wao wakiwa wanawake, walizimia kwenye mchezo huo uliochezwa jana Jumapili kwenye Uwanja wa Taifa, Dar es Salaam na matokeo kuwa sare ya 3-3.

Kitu cha kushangaza zaidi, shabiki namba moja wa kike wa Yanga anayetambulika zaidi kwa jina moja la Mwantumu (Mama Yanga) alizimia na kupandisha morali na kugalagala chini lakini pia shabiki mmoja aling’atwa na mbwa.

Mwantumu alilazwa chini na alizungukwa na mashabiki na viongozi mbalimbali wa Yanga mahali lilipo lango la kuingilia wachezaji vyumbani upande wa Yanga kabla ya kupelekwa kwenye vyumba vya huduma ya kwanza.

Walipofika watu wa huduma ya kwanza akiwa chini ili kumpeleka chumbani, kiongozi mmoja ambaye alikuwa na Mwantumu alisema: “Pamoja na matatizo hayo bado ana morali sana.”

Mbali na Mwantumu, Uwanja wa Taifa ulibadilika kwani badala ya kuangalia mpira walishangaa watu wa huduma ya kwanza walivyokuwa wanahangaika kuokoa watu.

Ilishangaza zaidi, wakati Yanga inaongoza mabao matatu ambayo yalifungwa kipindi cha kwanza, mashabiki wa Yanga ndiyo waliozimia zaidi na baadaye Simba walipoanza kuchomoa wao pia ndiyo walianza kuzimia.

Ilikuwa maajabu, Yanga walipokuwa wanafunga mabao ndio mashabiki wao wengi walivyokuwa wanazimia. Simba walipoanza kurudisha mabao ndivyo mashabiki wao wengi wakaanza kuzirai. Haijawahi kutokea.

Kiongozi wa kikosi cha maafa wa Msalaba Mwekundu, Bashiri Mgamba baada ya mechi alisema mashabiki zaidi ya 20 walikuwa wamezimia.

Ingawa idadi hiyo aliyoitaja iliongezeka zaidi kwani watu walizidi kuzimia hata baada ya mchezo.

TOA MAONI YAKO HAPA CHINI