KADI NYEKUNDU ALIYO LAMBWA RONALDINHO,NI MFANO WA ILE YA BECKHAM YA MWAKA 1998

STAA wa Brazil anayepitwa na wakati, Ronaldinho Gaucho, juzi Jumamosi aliifungia timu yake Atletico Mineiro bao maridadi la mpira wa faulo, lakini baadaye kidogo akalimwa kadi nyekundu kwa aibu.

Kadi hiyo inafanana kwa kila kitu na kadi aliyopewa staa wa zamani wa England, David Beckham, katika fainali za Kombe la Dunia nchini Ufaransa mwaka 1998 alipompiga teke la makusudi kiungo wa Argentina, Diego Simione.

Pamoja na ujinga huo wa Ronaldinho, Atletico ilishinda mabao 3-2 dhidi ya Guangzhou Evergrande na kumaliza nafasi ya tatu katika michuano ya Klabu Bingwa ya Dunia.

Bayern Munich wameibuka na ubingwa baada ya kuilaza Raja Casablanca mabao 2-0 yaliyofungwa na Dante na Thiago Alcantara na hivyo kumaliza mwaka vema huku wakikumbukwa kwa kutwaa mataji matatu Mei mwaka huu.

TOA MAONI YAKO HAPA CHINI