KAGAWA ALIKULA KUPITA KIASI NDO MAANA MECHI YA JUZI ILIMSHINDA:Moyes

 

 

KOCHA Mkuu wa Manchester United, David Moyes amefichua kwamba kiungo Shinji Kagawa alikula kupita kiasi na hivyo kuugua hadi kukosa mechi ya juzi Jumamosi dhidi ya Newcastle United kwenye Ligi Kuu England.

Kiungo huyo wa Japan alikula na kufanya tumbo lake kujaa kupita kiasi na kushindwa kupumua baada ya mechi ya kipigo dhidi ya Everton Jumatano iliyopita.

Kagawa aliwahishwa hospitali usiku huo huo baada ya kulalamika kwamba anashindwa kupumua vizuri.

Akizungumza baada ya mchezo wa kipigo cha bao 1-0 kutoka kwa Newcastle United juzi Jumamosi, Moyes alisema, “Shinji alikuwa anaumwa sana baada ya mechi ya Everton na alifanya mazoezi makali Ijumaa, lakini kwa sasa amepata nafuu.

“Ulikuwa ni ugonjwa mbaya. Nadhani alikula kupita kiasi na tumbo lake likajaa, lakini kwa sasa yuko vizuri.”

TOA MAONI YAKO HAPA CHINI