MARIAH CAREY HAKUFANYA KOSA LOLOTE KUTUMBWIZA KWA AJILI YA RAIS EDUARDO DOS SANTOS:Jermaine Dupri

Meneja wa Mariah Carey,  Jermaine Dupri  ameliambia gazeti la New York Post kuwa hakufanya kosa lolote kutumbuiza kwa ajili ya rais wa Angola, José Eduardo dos Santos anayeshutumiwa kuwa dikteta.
Carey alishutumiwa na shirika la Human Rights Foundation kufuatia show yake hiyo kitu ambacho Jermaine anasema hakimuingii akilini.

"Rais wa Marekani alipiga picha na binti wa jamaa huyu na kumpongeza mtu huyu kwa kukaa miaka mingi ofisini,” alisema Dupri."Kama anaweza kushikana mabega na watu hawa  kwanini  Mariah Care anashutumiwa kuwa amefanya kitu kibaya?”
Carey alitumbuiza kwenye hafla iliyokuwa imeandaliwa na shirika la Red Cross nchini Angola (Dec. 15). Japokuwa muimbaji huyo wa  Beautiful alionekana akiwa na familia ya dos Santos, Dupri alikiri kutokuwa na uelewa wa mambo aliyoyafanya rais huyo.

Isabel Dos Santos

Shirika la Red Cross nchini Angola linaongozwa na mtoto wa rais huyo Isabel dos Santos.
Kwenye show hiyo Mariah Carey alilipwa dola milioni 1 ambazo ni zaidi ya shilingi bilioni 1.6.
Mwaka 2008, Mariah Carey pia alitumbuiza kwenye familia ya  Muammar Gaddafi.

TOA MAONI YAKO HAPA CHINI