SI KAGAWA AU VAN PERSIE WOTE HAWAONDOKI:David Moyes

KOCHA Mkuu wa Manchester United, David Moyes, amesisitiza kuwa Robin van Persie na Shinji Kagawa si wachezaji walio kwenye orodha ya watakaopigwa bei katika uhamisho utakaofanyika Januari mwakani.

Kocha huyo anataka kubaki na nyota wake wote watano kwenye safu ya ushambuliaji ambao ni Van Persie, Wayne Rooney, Danny Welbeck, Javier Hernandez na Kagawa.

Kwenye maelezo yake, amefuta pia mpango wa kumsajili straika wa Monaco, Mcolombia Radamel Falcao na badala yake anasaka viungo wawili makini wa kuimarisha timu hiyo yenye maskani yake Old Trafford.

Baada ya kuwashuhudia mastraika wa wenzake wakifanya vizuri kwenye timu zao, anaamini Van Persie atarejea uwanjani kwa kasi na kuonyesha makali yake kama kawaida katika michuano hiyo.

Luis Suarez na Sergio Aguero wanatesa kwa sasa kwenye ligi hiyo, huku straika wa Liverpool, Suarez, akiongoza kwa ufungaji baada ya kutikisa nyavu mara 19 hadi kufikia sasa.

TOA MAONI YAKO HAPA CHINI