SUAREZ STAR WA URUGUAY ASAINI MKATABA BANDIA LIVERPOOL

STRAIKA wa Liverpool, Luis Suarez, kwa sasa yupo kwenye mazungumzo ya kuongeza mkataba mpya wa kuendelea kubaki Anfield, lakini Jumatatu iliyopita aliripotiwa kutoa mpya baada ya kukubali kusaini mkataba feki wa miaka mitano ulioandaliwa na shabiki mmoja unaomtaka endelee kuichezea timu hiyo.

Kwa mujibu wa 101greatgoals.com, staa huyo wa kimataifa wa Uruguay, alikuwa akisaini vitabu na vitu mbalimbali vya mashabiki wa Liverpool wakati alipokwenda kupokea tuzo yake ya Shirikisho la Mashabiki wa Soka Jumatatu iliyopita.

Kwenye tukio hilo la kusaini vitu vya mashabiki, straika huyo alisaini kipande cha karatasi kilichoandaliwa kama mkataba kilichosomeka: “Nathibitisha kujitolea hatima yangu kwa miaka mitano ijayo kwenye klabu ya soka ya Liverpool.”

Lakini, wakati mkataba huo ukiwa hauna maana yoyote, staa huyo anayeongoza kwa mabao kwenye Ligi Kuu England msimu huu hadi sasa, ameanza mazungumzo ya ujira mpya ndani ya timu hiyo huku ripoti zikibainisha Liverpool imemwandalia ofa nono ya mshahara wa Pauni 200,000 kwa wiki.

TOA MAONI YAKO HAPA CHINI