WANAFUNZI WAIPONZA JUVENTUS KWA KUIMBA NYIMBO ZA KEJELI UWANJANI

JUVENTUS imetozwa faini ya Pauni 4,140 baada ya wanafunzi waliokwenda kutazama mechi yao Jumapili iliyopita kuimba nyimbo za kejeli kuhusu kipa wa timu pinzani.

Watoto hao 12, 200 waliokuwa wameketi nyuma ya mabao katika mechi dhidi ya Udinese kwenye Serie A, pia wana kosa la kuwa katika eneo hilo la uwanja ambalo lilipigwa marufuku kwa matukio ya aina hiyo.

Lakini, watoto hao walikuwa wakitoa lugha za kejeli dhidi ya kipa wa Udinese, Zeljko Brkic kila alipokuwa akipiga mipira.

“Nilitaka kusema kitu baada ya mechi, lakini ninachohofia nisije kuchochea matatizo zaidi,” alisema Kocha wa Udinese, Francesco Guidolin.

“Kwa klabu kama Juventus mahali ambapo kila kitu ni kizuri, mahali ambapo hata uwanja unakufanya usidhani kwamba upo Italia, inakera sana kusikia kelele kama zile za kejeli dhidi ya kipa.”

Watoto hao ni kama wamerithi tabia za mashabiki wa Italia kuwakejeli makipa wa timu pinzani wanapopiga mipira.

TOA MAONI YAKO HAPA CHINI