HALI YA UHABA WA CHAKULA NCHINI SOMALIA WAIPA WASIWASI BARAZA LA UMOJA WA MATAIFA (UN)

 Umoja wa Mataifa umesema kuwa unatiwa wasiwasi na ukosefu wa usalama wa chakula nchini Somalia. Kitengo cha kuchunguza usalama wa chakula na lishe cha Umoja wa Mataifa kimesema kuwa, uhaba wa mvua, mafuriko na tufani haribifu ndio sababu muhimu iliyopelekea ukosefu wa mazao katika eneo la Puntland kaskazini mashariki mwa Somalia. Naye Naibu Mkuu wa Hospitali ya Banadir mjini Mogadishu amesema, mafuriko yaliyotokea kusini mwa nchi hiyo na majanga mengine ya kibinadamu yameathiri uzalishaji wa chakula nchini humo. Inakadiriwa kuwa, watu wasiopungua laki 8 na 80 elfu ambao wengi wao wamekimbia makaazi yao nchini Somalia bado wanahitajia misaada ya haraka ya kibinadamu.

Pia zaidi ya Wasomali milioni 2 wanaishi bila kuwa na chakula cha kutosha.

TOA MAONI YAKO HAPA CHINI