KUNA MENGI YALIYO PITA ZAMANI HUFAHAMU AMBAYO YANA AMBATANA SAMBAMBA NA SIKU KAMA YA LEO YANI HISTORIA

Siku kama ya leo miaka 35 iliyopita gwaride la mwisho na kimaonyesho la vikosi vya majeshi ya utawala wa Shah lililokuwa na lengo la kuwatia hofu na woga wananchi Waislamu wa Iran, lilifanyika katika mitaa mbalimbali ya Tehran. Katika gwaride hilo, wanajeshi wengi walionesha mshikamano wao na kuungana na wananchi Waislamu wa Iran na kuamua kuanza mapambano dhidi ya utawala wa kibeberu wa Shah.

Miaka 164 iliyopita katika siku kama hii ya leo ilianza harakati kubwa ya wananchi wa China iliyokuwa ikijulikana kwa jina la Taiping, yenye maana ya 'Irada ya Watu'. Harakati hiyo ilitokana na hali mbaya na umasikini uliokuwa ukiwasumbua wananchi wa nchi hiyo na hasa matabaka ya vijijini, iliyosababishwa na ukoloni wa kigeni na utawala wa familia isiyofaa ya Manchu. Lengo kuu la harakati hiyo iliyoendelea kwa muda wa miaka 14 lilikuwa kuanzisha usawa katika kugawana ardhi kati ya wanawake na wanaume.

Na siku kama ya leo miaka 415 iliyopita, ilianzishwa kampuni ya Kiingereza ya India Mashariki nchini India, kwa amri ya Malkia Elizabeth wa Kwanza wa Uingereza. Baada ya Uingereza kujikita nchini India, nchi kama vile Uholanzi, Ureno na Ufaransa zilielekea upande wa Bara Hindi kwa lengo la kutafuta makoloni mapya. Baada ya karne 3 tangu kuanzishwa shirika hilo, satuwa na kuimarika utawala wa Uingereza nchini India vilisababisha nchi hiyo kutangazwa kuwa sehemu ya Uingereza na kuvikwa taji Malkia Viktoria kama mtawala wa India na Uingereza. Katika kipindi hicho rasilimali nyingi za India ziliporwa na serikali na mabeberu wa Uingereza.

TOA MAONI YAKO HAPA CHINI