HILI NDILO TAMKO JIPYA LA SHIRIKA LA HRW KWA NCHI YA SUDAN KUSINI KUWA YATAKA JINAI ZICHUNGUZWE

Shirika la kutetea haki za binadamu la Human Rights Watch limetaka  ukatili uliofanywa katika vita vya Sudan Kusini uchunguzwe kikamilifu, likiripoti kuwa katika mji mmoja pekee kumepatikana miili iliyochomwa moto na makaburi ya umati. Skye Wheeler msemaji wa HRW amesema, jinai za kutisha zimefanyika kwenye mji huo na maeneo mengine ya Sudan Kusini ukiwemo mji mkuu Juba, ambapo watu wengi waliuawa kikatili kutoka makabila yote hasimu. Shirika hilo la kutetea haki za binadamu limesisitiza kuwa, kufikishwa wahusika katika vyombo vya sheria ni jambo muhimu ili kusonga mbele na kuzuia kurudiwa machafuko nchini humo.

Inakadiriwa kuwa mapigano ya Sudan Kusini kati ya vikosi vya serikali na waasi yamepelekea maelfu ya watu kuuawa na wengine laki 8 kukimbia makaazi yao.

TOA MAONI YAKO HAPA CHINI