HOFU YAANZA KUTANDA KUSINI MWA NCHI YA DRC,YARIPOTIWA KUWEPO MAKUNDI YA WAASI

Mashirika ya utoaji misaada katika Jamhuri ya Kidemokrasia ya Kongo yametangaza kuwa, maeneo ya kusini mwa nchi hiyo yameendelea kushuhudia mashambulio ya makundi ya wanamgambo. Taarifa ya mashirika hayo imebainisha kwamba, katika kipindi cha miezi mitano iliyopita, watu wasiopungua 60 wameuawa katika mji wa Katanga wa kusini mwa nchi hiyo kufuatia mashambulio ya wanamgambo wanaojulikana kwa jina la Bakata Katanga.
Ripoti ya mashirika ya misaada ya kibinaadamu imeeleza kuwa, mashambulio ya wanamgambo hao katika maeneo hayo yamepelekea kwa akali watu laki tano kuyakimbia makazi yao.
Afisa mmoja wa mashirika hayo ya misaada ya kibinadamu anayefanya shughuli zake mjini Lubumbashi, makao makuu ya Katanga amewaambia waandishi wa habari kwamba, shule, makanisa na vituo vya matibabu navyo havijasalimika na mashambulio hayo ya waasi. Wanamgambo wa Katanga wanaendesha mapambano dhidi ya serikali ya Jamhuri ya Kidemokrasia ya Kongo wakipigania kujitenga eneo la Katanga.

TOA MAONI YAKO HAPA CHINI