HUYU NDO MCHEZAJI WA WEST HAM ALIE HARAKISHWA HOSPITAL BAADA YA MAUMIVU MAKALI KICHWANI

BEKI wa West Ham,Guy Demel alilazimika kuwahishwa hospitalini baada ya kupata majeraha ya kichwa kwenye mechi ya Ligi Kuu England dhidi ya Cardiff City juzi Jumamosi.

Demel, 32, alilazimika kupumua kwa mtambo wa gesi wakati alipokuwa akitolewa uwanjani kwa machela alipoanguka na kupoteza fahamu baada ya kugongana na straika wa Cardiff City, Fraizer Campbell.

“Demel alizimia na alikuwa kwenye hali mbaya kwa dakika kadhaa. Hivyo alibaki hospitali kwa huduma zaidi,” aliandika mmiliki wa West Ham United, David Gold kwenye ukurasa wake wa Twitter.

Kuumia kwa beki huyo kunamfanya kuungana na mabeki wa wengine wa kikosi hicho ambao ni wagonjwa: Winston Reid na James Collins.

Kitendo hicho kinamfanya kocha Sam Allardyce kuzidi kupata pigo kutokana na kupungukiwa na wachezaji wake kwenye safu ya ulinzi.

TOA MAONI YAKO HAPA CHINI