KAKA' WA BRAZIL AANZA KUKATA MATUMAINI YAKUITWA KWENYE KIKOSI CHA BRAZIL KWENYE KOMBE LA DUNIA

KIUNGO wa Kibrazili, Ricardo Kaka amerudi kwenye ubora wake AC Milan, lakini alipoulizwa mwenyewe akasema ana hasira na Kombe la Dunia.

Staa huyo alisema moja ya sababu kubwa zilizomwondoa Real Madrid na kurejea AC Milan ni kupata nafasi ya kuonyesha kiwango chake uwanjani ili kumshawishi kocha Luiz Felipe Scolari amjumuishe kwenye kikosi chake kwa ajili ya fainali zijazo za Kombe la Dunia zitakazofanyika Brazil kati ya Juni na Julai mwaka huu.

Alipozungumza na Globo TV, Kaka alisema dhamira kubwa ya kiwango chake ni kucheza Kombe la Dunia na hilo ndilo lililomfanya ang’oke Santiago Bernabeu na kurejea San Siro kwenye majira ya kiangazi mwaka jana.

“Natumai kuwapo kwenye kikosi cha mwisho. Sifahamu itakavyokuwa, kwa sababu mambo yanakuwa magumu sana. Kombe la Mabara liliisaidia Brazil kupata kundi fulani la wachezaji,” alisema staa huyo wa Rossoneri.

Kaka bado anaishi kwa kumbukumbu ya maneno ya Scolari kwamba atamrudisha kikosini Brazil kama ataboresha kiwango chake na kucheza kwa daraja la juu.

TOA MAONI YAKO HAPA CHINI