BALLON DO'R HAIKUWA INAMSTAHILI CHRISTIANO RONALDO:RIBERY

STAA wa Bayern Munich na timu ya taifa ya Ufaransa, Franck Ribery anaamini kuwa Cristiano Ronaldo hakustahili tuzo ya mwanasoka bora wa dunia aliyopewa wiki iliyopita jijini Zurich.

Ronaldo alishinda tuzo hiyo mbele ya Lionel Messi na Ribery mwenyewe, lakini Ribery anaamini kuwa mwanasoka huyo hakustahili tuzo kwa sababu hakushinda taji lolote msimu uliopita.

“Nilishinda kila kitu na Bayern Munich pamoja na mimi binafsi. Kwa upande mwingine Ronaldo hakushinda kitu chochote. Sihuzuniki kwa kushindwa, lakini inauma kidogo. Nilistahili kutwaa tuzo,” alisema Ribery.

“Ilikuwa wazi kwamba Ronaldo angeshinda. Upigwaji wa kura uliongezewa muda kwa wiki mbili zaidi. Haijawahi kutokea hivi. Haikuwa kuhusu soka tena, ulikuwa uamuzi wa kisiasa.” Aliongeza Mfaransa huyo.

TOA MAONI YAKO HAPA CHINI