MAHAKAMA YA ICC YAAHIRISHA KUANZA KESI YA RAIS UHURU KENYATTA KWA MUDA USIOJULIKANA

Mahakama ya Kimataifa ya Uhalifu (ICC) siku ya Alhamisi (tarehe 23 Januari) iliahirisha kwa muda usiojulikana tarehe ya kuanza kwa kesi ya uhalifu dhidi ya ubinaadamu dhidi ya Rais Uhuru Kenyatta wa Kenya kutokana na maombi ya waendesha mashitaka.
"Jopo la majaji liliiondosha tarehe ya kuanza kwa kesi ya tarehe 5 Fabruari 2014," ilisema mahakama hiyo kwenye taarifa yake, ikiongeza kwamba kikao kingeitishwa kujadili ombi hilo la upande wa mashitaka.
Mwendesha Mashitaka Mkuu wa ICC, Fatou Bensouda, aliomba ahirisho la miezi mitatu la kesi hiyo baada ya kusema mwezi uliopita kwamba hakuwa tena na ushahidi wa kutosha kuendelea na kesi.
Majaji wa ICC walibainisha zaidi kwamba kufuatia ombi hilo la muendesha mashitaka, upande wa utetezi wa Kenyatta ulituma ombi la kufutwa kwa kesi kwa hoja ya kukosekana ushahidi wa kutosha, liliripoti gazeti la Daily Nation la Kenya.
Bensouda alisema angeweza tu kuendelea na kesi hiyo mara baada ya kuridhika kwamba ushahidi mpya utatosha kuisimamisha kesi hiyo.

TOA MAONI YAKO HAPA CHINI