SWALA LA MWANANGU MESSI KUONDOKA CAMP NOU BADO:BABA YAKE MESSI

BABA mzazi wa staa wa Barcelona, Lionel Messi, Jorge amekiri kusikia habari za matajiri wa PSG kwamba wanamtaka mwanaye, lakini akasisitiza itakuwa ngumu sana kumng’oa supastaa huyo Camp Nou.

Kwenye mchakato huo, baba huyo ambaye pia ni wakala wake alisema Messi hatarajiwi kuhama Barcelona na kwenda Paris Saint-Germain au klabu nyingine yoyote kwa miaka ya hivi karibuni.

PSG inahusishwa moja kwa moja na mpango wa kumnasa Messi mwisho wa msimu, lakini jambo hilo linaonekana gumu kwa Jorge kwa sababu anaamini hata kwa pesa nyingi kiasi gani klabu hiyo ya Ufaransa itakuwa tayari kulipa, lakini haitakuwa rahisi kumshuhudia Messi akiondoka Catalan.

Mwanzoni kulikuwa na hofu ya uhusiano wa mchezaji huyo na aliyekuwa rais wa klabu, Sandro Rosell, lakini sasa bosi huyo ameng’atuka na mbadala wake, Javier Faus, ameshaanza kuzungumza mpango wa kumfanya staa huyo kuwa mwanasoka anayelipwa pesa nyingi zaidi hadi 2018.

PSG imeripotiwa kuandaa dau la Euro 250 milioni litakaloweka rekodi ya dunia kwenye uhamisho ili kumhamishia Ufaransa staa huyo.

TOA MAONI YAKO HAPA CHINI