MAPIGANO YA KIKABILA YASABABISHA WATU WASIO PUNGUWA 154 KUFARIKI DUNIA

Nchini Libya watu wasiopungua 154 wameuawa katika wiki mbili za mapigano makali ya kikabila. Wizara ya Afya ya Libya imetoa taarifa siku ya Jumamosi na kusema watu wengine karibu 470 wamejeruhiwa katika mapigano hayo ya kikabila katika miji ya Sebha na Wershefana. Sebha ni mji mkubwa katika eneo la kusini mwa nchi hiyo nao Wersehfana ni mji ulio magharibi mwa Tripoli. Mji wa Wersehfana ni ngome ya wafuasi wa dikteta aliyepinduliwa Muammar Gaddafi. Maafisa wa afya wanasema yamkini idadi ya waliopoteza maisha ni kubwa zaidi. Katika mji wa Sebha mapigano yaliripotiwa kuwa baina ya makabila ya Toubou na Awled Sleiman.
Tokea dikteta Muammar Gaddafi atimuliwe madarakani mwaka 2011, serikali ya Libya imeshindiwa kudhibiti makundi ya wanamgambo ambao walishiriki katika kumpindua Gaddafi. Aidha wafuasi wa Gaddafi wameanza kujitokeza na kuibua mapigano katika nchi hiyo ya kaskazini mwa Afrika.

TOA MAONI YAKO HAPA CHINI