MPANGO WA AMANI WA UMOJA WA MATAIFA NCHINI SUDAN KUSINI (UNIMISS) WAKOSOLEWA NA RAIS SALVA KIIR

Rais Salva Kiir wa Sudan Kusini amekosoa mpango wa kulinda amani wa Umoja wa Mataifa nchini humo UNIMISS na kutuhumu kuwa utendaji wake ni kana kwamba ni serikali kivuli katika nchi hiyo.Kiir ametoa matamshi hayo baada ya Katibu Mkuu wa Umoja wa Mataifa Ban Ki Moon kusema kwamba, maafisa wa ngazi za juu wa serikali ya Juba na wanajeshi wameripotiwa kuwatishia wafanyakazi wa umoja huo pale walipojaribu kuingia katika eneo linalowahifadhi maelfu ya raia waokimbia mapigano linalosimamiwa na UN.
 Ban alisisitiza kuwa, vitisho hivyo dhidi ya maafisa wa umoja wa Mataifa nchini Sudan Kusini ni miongoni mwa vipengee vinavyovunjwa kwa mujibu wa makubaliano yaliyofikiwa kati ya pande mbili suala linaloleta ugumu kwa UNIMISS kutekeleza majukumu yake ipasavyo katika nchi hiyo.
Hayo yanajiri huku mapigano yakiendelea kushuhudiwa kati ya vikosi vya serikali  ya Juba na waasi.

TOA MAONI YAKO HAPA CHINI