RAIS WA AFRICA YA KATI AANZA KUTUMIKIA VILE ALIVYO VIAHIDI WAKATI ANAAPISHWA

Rais wa muda wa Jamhuri ya Afrika ya Kati Catherine Samba-Panza ameanza mkakati wa kurejesha amani na utulivu katika nchi hiyo iliyokumbwa na mapigano ya ndani akishirikiana na Waziri Mkuu wa serikali yake Andre Nzapayeke.
Nzapayeke ambaye aliwahi kuwa Mkuu wa Benki ya Maendeleo ya Afrika amesema kuwa kipaumbele cha kwanza cha shughuli za serikali ni kukomesha mapigano na machafuko yaliyoikumba nchi hiyo. Ameongeza kuwa atazungumza na pande zote na kuunda timu itakayoshughulikia maslahi ya taifa.
Nzapayeke amesema kuwa serikali yake wiki hii itaanza kuchukua hatua za maana za kurejesha amani na utulivu na kuwarejesha wakimbizi katika makazi yao.
Matamshi hayo yametolewa huku ghasia na machafuko yakiendelea katika mji mkuu, Bangui hususan katika mitaa ya kibiashara yenye raia wengi Waislamu wanaoendelea kushambuliwa na wanamgambo wa Kikristo wa kundi la Anti Balaka.

TOA MAONI YAKO HAPA CHINI