SAMUEL ETO'O AKUJA JUU KIMKWANJA KUWAZIDI WANASOKA WAKIGENI KWENYE LIGI KUU YA BPL

STRAIKA, Samuel Eto’o ametajwa kuwa ndiye mchezaji tajiri namba moja kwenye Ligi Kuu England kwa wachezaji wa kigeni kwa kipato cha Dola 64 Milioni, imeelezwa.

Nafasi ya pili inashikwa na mkongwe wa Manchester United, Ryan Giggs mwenye utajiri wa Dola 45 Milioni na Fernando Torres yupo namba tatu kwa kuwa na Dola 42 Milioni.

Yaya Toure anashika namba nne na utajiri wake wa Dola 41 Milioni, wakati staa wa Argentina, Sergio Aguero anakamilisha tano bora na Dola zake 39 Milioni.

Ingawa ripoti zinadai kwamba Ligi Kuu England imetawaliwa na wachezaji wa kigeni, kwenye orodha ya jumla ya 10 bora ya matajiri kwa wachezaji wazawa inaongozwa na Wayne Rooney mwenye Dola 73 Milioni ikiwa ni zaidi ya Dola 20 Milioni kwa utajiri wa jumla wa wachezaji wa kigeni.

Eto’o, 32, alitua Chelsea mwaka jana na kuonyesha jeuri ya pesa baada ya kununua magari manne ya kifahari, Bugatti Veyron, Aston Martin na Maybach Xenatec yaliyomgharimu Pauni 4 Milioni.

TOA MAONI YAKO HAPA CHINI