STEVEN GERARD AUMIZWA BAADA YAKUPATA TAARIFA ZA KUUMIA KWA THEO WALCOTT

KIUNGO Steven Gerrard amesema alipata maumivu ya tumbo ghafla baada ya kupata ripoti za kuumia kwa staa wa Arsenal, Mwingereza Theo Walcott na kwamba atakosa fainali zijazo za Kombe la Dunia zitakazofanyika Brazil.

Wakati Gerrard akikiri kuumizwa na habari hizo, beki wa kushoto wa Arsenal, Kieran Gibbs alibainisha kwamba Walcott yupo vizuri baada ya kufanyiwa upasuaji wa goti.

Gibbs alikwenda kumtembelea mchezaji mwenzake huyo hospitalini juzi Jumamosi na kumpa pole baada ya kufanyiwa upasuaji.

Walcott amefanyiwa upasuaji na hatarudi uwanjani kwa msimu wote, jambo linalomfanya kuwa na nafasi ndogo sana ya kucheza fainali za Kombe la Dunia zitakazofanyika baadaye mwaka huu.

Walcott atakuwa nje ya uwanja kwa takriban miezi sita baada ya kuumia kwenye mechi ya Kombe la FA dhidi ya mahasimu wao wa London, Tottenham Hotspur ambapo Arsenal ilishinda mabao 2-0.

TOA MAONI YAKO HAPA CHINI