HABARI KUTOKA RUSSIA ZATONYA KUWA NCHI HIYO ITAUNGA MKONO UAMUZI WA MAPATANO YA SYRIA

Naibu Waziri wa Mambo ya Nje wa Russia ametangaza kuwa Moscow itaunga mkono matokeo na uamuzi wowote utakaopatikana kwa mujibu wa makubaliano ya pande mbili yaani serikali na waasi huko Syria. Gennady Gatilov amesema kuwa kuundwa serikali ya mpito na kupambana na ugaidi huko Syria ni masuala mawili tafauti na yote ni muhimu. Amesema mambo hayo yanapasa kujadiliwa kwa kina kwenye mazungumzo ya pande hizo mbili. Naibu Waziri wa Mambo ya Nje wa Rusia amesisitiza kuwa ujumbe unaoiwakilisha serikali ya Syria kwenye mazungumzo hayo hauna azma ya kujiondoa katika mazungumzo ya Geneva na kwamba jambo hilo linathibitisha azma ya Damascus ya kutaka kutatuliwa hitilafu zilizopo.

Hii ni katika hali ambayo Wendy Sherman Naibu Waziri wa Mashauri ya Kigeni wa Marekani amedai kuwa, Washington na Moscow zimekubaliana kutekelezwa vipengee vya mkutano wa Geneva 1.

TOA MAONI YAKO HAPA CHINI