ISOME HISTORIA INAYO AMBATANA NA SIKU KAMA YA LEO

Siku kama ya leo miaka 25 iliyopita, jeshi Jekundu la Shirikisho la Urusi ya Zamani lililazimika kuondoka nchini Afghanistan baada ya kuikalia kwa mabavu nchi hiyo kwa miaka kumi. Majeshi hayo yaliondoka baada ya kushindwa kukabiliana na muqawama wa mujahidina wa Kiislamu. Lengo la Umoja wa Sovieti la kuivamia na kuikalia kwa mabavu Afghanistan mwaka 1979, lilikuwa ni kuizatiti serikali kibaraka ya Kabul iliyokuwa ikiungwa mkono na Moscow na kueneza satua yake kuelekea maeneo ya kusini mwa Asia. Hatua hiyo iliyopelekea maslahi ya Marekani kuwa hatarini, ilikabiliwa na radiamali kali ya Washington sambamba na hatua ya White House ya kuanzisha operesheni za kuyatoa majeshi ya Umoja wa Sovieti huko Afghanistan. Hatimaye baada ya miaka 10 wananchi wa Afghanistan wakisaidiwa na Mujahidina walifanikiwa kuhitimisha uvamizi huo na kuyatoa majeshi ya Urusi katika ardhi yao.

****

Miaka 232 iliyopita vilianza vita vya majini kati ya Ufaransa na Uingereza katika pwani ya India. Vita hivyo vilivyodumu kwa muda wa miezi saba, vilikuwa ni mlolongo wa vita kati ya nchi mbili hizo vilivyokuwa na lengo la  kuikoloni India na kupora utajiri wake. Ijapokuwa Ufaransa ilishinda vita hivyo, lakini nchi hiyo haikuweza kurejea India na kuikoloni nchi hiyo, na badala yake Uingereza ilibaki na kuendelea kuwa mkoloni mkuu huko bara Hindi.

TOA MAONI YAKO HAPA CHINI