NAKUWA KWAKE HOSPITALINI MKOLOMBIA FALCAO NDIE ANAE KUJAA JUU KWA KUVUTA MSHAHARA MREFU KULIKO WENGINE WOTE LIGUE 1

Falcao alipo tembelewa na Rais wa Cololombia Hospitalini nchini Ureno

YUPO kitandani kwa sasa akiuguza majeraha yake ambayo yanaweza kumkosesha fainali za Kombe la Dunia Juni mwaka huu nchini Brazil. Pamoja na hali hiyo, Radamel Falcao bado anahesabu noti zake na kucheka.

Falcao ndiye mchezaji anayelipwa zaidi katika Ligi Kuu Ufaransa, ligi ambayo imevamiwa na matajiri wa Russia na Qatar wanaomwaga pesa za kutosha katika klabu mbili za Paris Saint Germain (PSG) na Monaco.

Staa huyo wa kimataifa wa Colombia anayekipiga Monaco akiwa ametokea Atletico Madrid mwanzoni mwa msimu huu amempita kwa pesa hata nyota mwenye maringo wa Sweden, Zlatan Ibrahimovic.

Falcao anapokea kiasi cha Euro 1.2 milioni kwa mwezi baada ya makato ya kodi wakati, Ibra anapokea kiasi cha Euro 800,000 kwa mwezi baada ya makato ya kodi. Kiasi hiki cha Ibra ni baada ya kuongezewa mshahara Septemba mwaka jana. Mishahara halisi ya wachezaji wote inaongezewa na bonasi zao pamoja na mikataba yao binafsi ya kibiashara.

Anayefuata katika nafasi ya tatu ni mlinzi na nahodha wa PSG na Brazil, Thiago Silva anayepokea kiasi cha Euro 628,000 kwa mwezi baada ya makato ya kodi huku akifuatiwa na nyota wa kimataifa wa Uruguay, Edinson Cavani anayekipiga naye PSG.

Nyota huyo wa Uruguay ndiye mchezaji ghali zaidi katika historia ya soka la Ufaransa akiwa amenunuliwa kwa kiasi cha Euro 65 milioni kutoka Napoli katika kipindi cha majira ya joto kilichopita. Cavani anaingiza kiasi cha Euro 478,000 kwa mwezi.

Mastaa wawili wa Monaco walionunuliwa kutoka Ureno, James Rodríguez  na Joao Moutinho wanashika nafasi ya sita na ya saba. Wakati Rodriguez analipwa kiasi cha Euro 370,000 kwa mwezi, Moutinho anachukua 342,000.

Mshambuliaji nyota wa kimataifa wa Argentina, Ezequiel Lavezzi anayekipiga PSG anapokea kiasi cha Euro 329,000 kwa mwezi huku akishika nafasi ya nane.

TOA MAONI YAKO HAPA CHINI