RAPA MDOGO KUTOKA TANZANIA DOGO JANJA AMEVUNJA KILE AMBACHO KILICHOKUWA KINATAJWA KATI YAKE NA TIP TOP

Dogo Janja aka Janjaro ambaye alitambulishwa na Madee wa Tip Top Connection kwenye game la Bongo Flava na kujizolea mashabiki wengi kwa uwezo wake mkubwa wa kurap, na baadae kuondolewa kwenye familia ya Tip Top kutokana na tofauti zilizojitokeza, anatarajia kuachia wimbo mpya alioupa jina la ‘Fungua Macho’ ambapo ndani amewataja Madee, Tundaman na Babu Tale.
Janjaro amesema kuwa anatarajia kuachia wimbo huo alioufanya ndani ya studio za B’Hitz chini ya producer Pancho Latino na kwamba humo ndani ameonesha upendo kwa Madee na Tundaman, pamoja na Boss wao Babu Tale, amewaomba wasahau ya kale kwa kuwa yeye sio Nabii.
Janjaro aliipa Tovuti ya Times Fm sehemu ya mashairi yaliyopo kwenye ngoma hiyo.
“Bado niko macho nasukuma gurudumu, nashukuru nikipatacho kinacover majukumu. Tusahau ya kale Tunda msalime Madee, mwambie Babu Tale Janjaro sio Nabii…”
Janjaro ameielezea kwa ufupi mistari hiyo, “vitu kama hivyo vinaleta upendo katika wimbo. Unajua kitu kama Tip Top ni watu ambao mimi wamenilea, kwa hiyo Janjaro sio nabii, hata glass hugongana…kunatokea matatizo lakini tusahau ya kale.”
Ameeleza kuwa hivi sasa uhusiano wake na Madee umeimarika na wanaongea vizuri. Amewashukuru watanzania kwa upendo wanaomuonesha.

TOA MAONI YAKO HAPA CHINI