SERIKALI YA BWANA GOODLUCK HAINA NGUVU MBELE YA KUNDI LA BOKO HARAM:KASHIM SHETTIMA

Gavana wa jimbo la Borno nchini Nigeria amesema kuwa, kundi la Boko Haram lina nguvu kuliko jeshi la nchi hiyo. Kashim Shettima amesema hayo alipokutana na kufanya mazungumzo na Rais Goodluck Jonathan wa nchi hiyo na kusisitiza kwamba, wanamgambo wa Boko Haram wana nguvu na wamejizatiti zaidi kuliko hata jeshi la nchi hiyo.
Ameongeza kuwa, ni vigumu kwa jeshi la Nigeria kuweza kuwashinda na kuwasambaratisha wanamgambo wa Boko Haram. Hivi karibuni kundi la Boko Haram lilifanya mashambulio makubwa katika jimbo la Borno na kuwauwa kwa akali watu 100.
Harakati za kundi la Boko Haram zimekuwa zikiinyima usingizi serikali ya Rais Goodluck Jonathan wa Nigeria ambaye sasa anakabiliwa na mashinikizo ya kila upande kutokana na serikali yake kushindwa kulitokomeza kundi hilo.

Wakosoaji wa serikali ya Nigeria wanamlaumu Rais wa nchi hiyo wakisema kwamba, ameshindwa kukabiliana na wanamgambo wa Boko Haram licha ya kutangaza hali ya hatari katika majimbo kadhaa likiwemo la Borno kwa lengo la kuendesha operesheni za kijeshi dhidi ya kundi hilo.

TOA MAONI YAKO HAPA CHINI