SOMA KILE ALICHO KISEMA RAIS WA TUNISIA KUHUSIANA NA KUPASISHWA KWA KATIBA MPYA

Rais Moncef Marzouki wa Tunisia amesifu kupasishwa katiba mpya nchi nchi hiyo na kuitaja hatua hiyo kuwa ni ushindi wa tatu kwa taifa hilo. Akizungumza hii leo katika sherehe za kupasishwa rasmi katiba hiyo zilizohudhuriwa pia na viongozi wa nchi mbalimbali duniani, al Marzouki amesema, ushindi wa kwanza wa wananchi wa Tunisia ni kumpindua dikteta kulikofanywa na vijana waliojitolea mhanga nafsi zao na ushindi wa pili ni mapambano dhidi ya magaidi waliokuwa wakitaka kuleta machafuko nchini humo.  Katiba mpya ya Tunisia yenye vifungu 149 ilipasishwa siku kadhaa zilizopita na Bunge la katiba la nchi hiyo.  Katiba hiyo imetajwa kuwa ni mfano mzuri kwa nchi nyingine za Kiarabu ambazo pia zimeshuhudia harakati za Mwamko wa Kiislamu.

 Miongoni mwa vifungu vya kuvutia katika katiba hiyo mpya ni kuitaja Tunisia kuwa nchi ya Kiislamu, lugha yake rasmi kuwa ni Kiarabu na kwamba rais wa nchi hiyo pia anapaswa kuwa Muislamu.

TOA MAONI YAKO HAPA CHINI