SOMA MAMBO YA ZAMANI YANAYO AMBATANA NA SIKU KAMA YA LEO(TAREHE KAMA YA LEO) YANI HISTORIA

Miaka 35 iliyopita katika siku kama ya leo wananchi Waislamu wa Iran kama ilivyokuwa katika siku za kabla yake, walikusanyika kwa wingi na kuelekea katika makazi ya Imam Khomeini mjini Tehran ambapo walionana naye na kutangaza utiifu wao kwake. Siku hiyo wananchi wa Iran walishikamana na kuwa kitu kimoja na hamasa yao ilibashiri tukio muhimu nchini nchini humo. Mbali na matabaka mbalimbali ya wananchi waliokwenda kuonana na Imam, vikosi mbalimbali vya jeshi pia vilikwenda kumuona kiongozi wa harakati za mapinduzi na kumtambua Imam kuwa Amiri Jeshi Mkuu. Imam Khomeini alihutubia wananchi wa Iran na kusisitiza juu ya kufikishwa Shah mahakamani.

*****

Joseph Kasavubu

Tarehe 7 Februari mwaka 1961 kiongozi wa chama cha Abako, Joseph Kasavubu aliteuliwa kuwa Rais wa konfederesheni iliyokuwa ikiungwa mkono na Umoja wa Mataifa ya Congo. Baada ya Congo kupata uhuru kutoka kwa mkoloni Mbelgiji, Kasavubu alichaguliwa kuwa mkuu wa Baraza la Taifa lililoanza kazi Juni 30 mwaka 1960. Nchi huru ya Congo ilikumbwa na misukosuko mingi ya kisiasa baada tu ya kupata uhuru na serikali kuu ilidumazwa na mivutano iliyotokea kati ya viongozi wake.

*****

Miaka 801 iliyopita katika siku kama ya leo, alizaliwa, alimu na mwanazuoni mkubwa wa Kiislamu wa Iran Qutbuddin Mahmoud bin Dhiyauddin Masoud Kazeruni, maarufu kwa jina la Mulla Qutb katika mji wa Kazerun nchini Iran. Katika maisha yake msomi huyo alisafiri maeneo mengi ya dunia. Msomi huyo wa Kiislamu aliandika vitabu vingi vya thamani kama "Nihayatul Idrak", "Sharh Qanun Ibn Sinaa" na "Sharh Hikmatil Ishraq."

TOA MAONI YAKO HAPA CHINI