TAARIFA ZA KUSIKITISHA KUTOKA MAREKANI ZASEMA KUWA MUIGIZAJI PHILIP SEYMOUR AFARIKI DUNIA,HUKU MWILI WAKE UKIKUTWA NA SINDANO YENYE DAWA ZA KULEVYA

Muigizaji wa filamu za Hollywood ambaye pia ni mshindi wa tuzo za Oscar, Philip Seymour Hoffman amefariki dunia akiwa na umri wa miaka 46. Kwa mujibu wa taarifa za polisi, mwili wa Seymour ulikutwa na rafiki yake, David Katz, ukiwa bafuni nyumbani kwake.
Ripoti hizo zinadai kuwa mwili wake ulikutwa na sindano kwenye mkono wake ikiwa na dawa za kulevya na pia pakiti za madawa hayo zilikuwa karibu naye, hivyo kifo chake kimehusishwa moja kwa moja na matumizi ya madawa ya kulevya kupita kiasi.
Hoffman alishinda tuzo za Oscar mwaka 2006, kupitia filamu ya mwaka 2005 ‘Capote’.
Aliwahi kushiriki katika filamu nyingi zikiwemo, Scent of a Woman, Boogie Nights, The Big Lebowski, Patch Adams, Magnolia, The Talentend Mr. Ripley, Cold Mountain, Before the Devil Knows You’re Dead, The Savages na alionekana kwenye Mission Impossible III.

TOA MAONI YAKO HAPA CHINI