HABARI KUTOKA NIGERIA ZASEMA KUWA RAIS GOODLUCK JONATHAN WA NCHI HIYO AMEKOSOLEWA NA CHAMA CHA UPINZANI CHA APC

Chama kikuu cha upinzani nchini Nigeria cha APC kimemkosoa Rais Goodluck Jonathan wa nchi hiyo kutokana ufisadi serikalini na kuwataka wananchi wahitimishe utawala wa miaka 15 wa chama tawala katika uchaguzi wa mwaka ujao.  Chama hicho kimefanya mkutano wake wa kwanza wa kitaifa tangu kilipoundwa baada ya kuungana vyama vinne vya siasa miezi 11 iliyopita na kuahidi kuwa iwapo kitashinda uchaguzi kitapambana na ufisadi, machafuko na kuleta fursa zaidi za ajira.

Kiongozi wa chama hicho kipya Muhammad Buhari mtawala wa zamani wa kijeshi na gavana wa zamani amezindua nembo ya chama hicho kipya na kusema kuwa chama hicho ni kwa ajili ya Nigeria mpya. Muungano huo wa upinzani unatarajiwa kuleta changamoto kali kwa chama tawala cha PDP anachotoka Rais Jonathan katika uchaguzi ujao wa rais ambacho wanachama wake wengi wamekiasi.

TOA MAONI YAKO HAPA CHINI